Bizkaiko lurralde historikoan dago Artea (12 km²), Arratia eskualdearen bihotzean; ingurune paregabean dago herri hau, Gorbeiako Parke Naturalaren alboan. Inguruetan, gainera, honako herriok daude: Arantzazu, Areatza, Dima, Zeanuri, Zeberio eta Orozko.

Arratia eta Laureta ibaiek zeharkatzen dute herria, Gorbeiako inguruetan jaiotzen diren bi errekek, hain zuzen. Hala, paisaia natural ederra osatzen du Arteaga-Gaztelu-Elexabeitiako herriak, eta ibilbide zein paseo atseginak eginez ezagutu ditzakegu parajeok.

Udalerri mugakideak:

• Ekialdean: Dima
• Mendebaldean: Zeberio
• Hego-mendebaldean: Orozko
• Iparraldean: Arantzazu
• Hegoaldean: Areatza

Demografia:

Artean 784 pertsona bizi dira.

Ondarea eta Historia:

Euskal Baserriaren Ekomuseoa dago Arteaga-Gaztelu-Elexabeitian 1997. urtetik, baserriaren munduko tradizioa eta ohiturak gorde eta ezagutarazteko asmoz. Era berean, Meñaka eraikinean kokatuta dagoen Jeltzaleen Agiritegi Historikoaren museoa ere ikusiko dugu, eta han Euskadiko historiaren azken mendean zehar ibilbide ederra egin dezakegu.

Bestalde ondorengo ondareak bizitatu daitezke: San Migel eliza, San Martin baselizara eta Torrea, Ugarte eta Galindo dorreak.

Jaiak:

Andra Mari zaindariaren jaiak dira Artean ospatzen dituzten festa nagusiak, irailaren 8an. Handik egun gutxitara egiten da ekitaldi handia, Merkartea nekazaritzako zein eskulangintzako azoka. Irailaren erdialdean antolatzen dute eta urtero jende asko biltzen da bertan.